لاہور (نامہ نگار) صوبائی دارالحکومت لاہورکے مختلف علاقوں مےں گزشتہ روز پتنگ بازی کا سلسلہ جاری رہا اور پولیس پتنگ بازوں کو روکنے میں مکمل ناکام رہی جبکہ گلے پر ڈور پھرنے سے 3 افراد شدید زخمی ہوگئے۔ بعض مقامات پر پولےس پتنگ بازوں سے دےہاڑےاں بھی لگاتی رہی۔ اتوار کو چھٹی کے روز شاہدرہ، شاہدرہ ٹاﺅن، راوی روڈ، نولکھا، شفیق آباد، ٹبی سٹی، مصری شاہ، اسلام پورہ، نیو انارکلی، گجر پورہ، شالیمار، سول لائن، قلعہ گجر سنگھ، گڑھی شاہو، لٹن روڈ، مزنگ، سمن آباد، ملت پارک، گلشن راوی، شیراکوٹ، وحدت کالونی، اقبال ٹاﺅن، گلبرگ، لیاقت آباد، فیصل ٹاﺅن، غالب مارکیٹ، کاہنہ، نصیر آباد، کوٹ لکھپت، نشتر کالونی، فیکٹری ایریا، غازی آباد، ہنجروال، ٹاﺅن شپ، گرین ٹاﺅن، سٹی رائیونڈ، دھرم پورہ، ہربنس پورہ، صدر بازار سمیت دیگر علاقوں میں پتنگ بازی کا سلسلہ جاری رہا۔ شہریوں نے اعلیٰ حکام سے مطالبہ کیا ہے کہ پولیس کو پابند کیا جائے کہ اس قاتل کھیل پر پابندی پر سختی سے عملدرآمد کراےا اور پتنگ بازوں کیخلاف سخت کارروائی کی جائے۔ دریں اثنا کٹی پتنگ کی ڈور پھرنے سے 3 افراد شدےد زخمی ہوگئے۔ فیکٹری ایریا والٹن روڈ پر 35 سالہ ماجد موٹر سائےکل پر جا رہا تھا کہ ڈور گلے اور ہاتھ پر پھرنے سے شدےد زخمی ہو گیا۔ اسے تشوےشناک حالت مےں ہسپتال منتقل کر دےا گےا۔ فیکٹری ایریا ہی کے علاقے میں فقیر حسین بھی گلے ڈور پھرنے زخمی ہوگےا ۔ ہسپتال میں اسکی حالت تشوےشناک بتائی جاتی ہے۔ کاہنہ میں فیروزپور روڈ لکی ہوٹل کے قریب ڈور پھرنے سے 25 سالہ فرحان موٹر سائیکل پر گھر جا رہا تھا کہ ڈور پھرنے سے زخمی ہوگیا۔ اسے ہسپتال منتقل کردیا گیا۔ درےں اثناءوزیراعلیٰ پنجاب عثمان بزدارنے ڈور پھرنے سے 3 افرادکے زخمی ہونے کے واقعات کا نوٹس لیتے ہوئے سی سی پی او لاہور سے رپورٹ طلب کر لی ہے۔ انہوں نے پتنگ بازی کے واقعات پر برہمی کا اظہار اور پتنگ بازی پر پابندی کے قانون پر سختی سے عملدرآمد یقینی بنانے کے احکامات جاری کئے۔ وزیراعلیٰ نے زخمی افراد کو علاج معالجے کی بہترین سہولتیں فراہم کرنے کی ہدایت بھی کی۔ دوسری طرف پولیس نے لاہور اور کاہنہ میں کریک ڈاﺅن کرتے ہوئے 190 پتنگ بازوں کو گرفتار کرکے مقدمات درج کرلئے۔ ملزموں کے قبضے سے سینکڑوں کی تعداد میں پتنگیں، چرخیاں، ڈور پنی اور دیگر سامان برآمد ہوا جبکہ پولیس نے ون ویلنگ کرنے والے 5 موٹر سائیکل سواروں کو بھی پکڑ لیا۔
پتنگ بازی/ زخمی