پیر علی رضا بخاری نے وطن واپسی پرسیاسی سرگرمیوں کا آغاز کر دیا

اسلام آباد(وقائع نگار خصوصی)ممبر آزاد جموں و کشمیر قانون ساز اسمبلی و سجادہ نشین درگاہ بساہاں شریف پیر علی رضا بخاری نے برطانیہ اور امریکا کے دورے کے بعد وطن واپسی پرسیاسی سرگرمیوں کا آغاز کر دیااور گذشتہ روزسینیٹر ڈاکٹر آصف کرمانی کی لندن روانگی سے قبل دونوں رہنماؤں کے درمیان اہم ملاقات ہوئی جس میں موجودہ سیاسی صورتحال پر مفصل تبادلہ خیال کیاگیا پیر علی رضا نے ڈاکٹرسید آصف کرمانی کو اپنے امریکہ و برطانیہ دورے کی تفصیلات سے آگاہ کیا ۔ملاقات کے موقع پر پیر علی رضا بخاری نے قائد پاکستان مسلم لیگ محمد نواز شریف کی جلد صحت یابی کے لئے بھی خصوصی دعا کروائی۔