پی این سی اے اسلام آباد میں پتلی تماشے کا انعقاد

اسلام آباد (این این آئی) پی این سی اے اسلام آباد میں پتلی تماشے کا انعقاد کیا گیا جس میں پتلیوں نے سندھی جھومر کے ساتھ ساتھ کشمیری ثقافت کے رنگ بھی خوب بکھیرے۔ڈھولک کی تھاپ پر رقص کرتی، روایتی دھنوں پر گنگناتی، شوخ اور چنچل پتلیاں، کھیل ہی کھیل میں سبق آموز پیغام دیتی ہیں۔ پی این سی اے میں سجے پتلی تماشے میں دلچسپ کہانیاں پیش کی گئیں تو سندھی جھومر اور لیوا رقص نے سماں باندھ دیا۔پتلیوں نے کشمیری ثقافت کے خوبصورت رنگ دکھائے جو شرکاء کو بھا گئے۔ شہریوں نے پتلی تماشے کو سراہا اور اس خواہش کا اظہار کیا کہ یہ فن پھر سے عام ہونا چاہیے۔