خیبرپختونخوا انڈر21 گیمز ، ایتھلیٹس کے ناموں کا اعلان

پشاور(بیورو رپورٹ) خیبرپختونخوا انڈر21 گیمز کے سلسلے میں پشاور کے انٹر تحصیل مقابلوں کیلئے ایتھلیٹکس کھلاڑیوں کے ناموں کا اعلان ، پشاور ڈسٹرکٹ سپورٹس آفس کے زیراہتمام انڈر21 خیبرپختونخوا گیمز کیلئے تحصیل سطح پر منعقدہ مقابلوں کیلئے ایتھلیٹکس کے ٹرائلز قیوم سپورٹس کمپلیکس پشاورمیں صوبائی ایتھلیٹکس ایسوسی ایشن کے صدر حبیب الرحمان کے زیرنگرانی منعقد ہوئے جس میں ڈسٹرکٹ پشاور کے تمام تحصیلوں سے دو سو سے زائد کھلاڑیوں نے حصہ لیا ، ٹرائلز میں جن کھلاڑیوں کو منتخب کیاگیا ان میں سو میٹر ریس کیلئے سلمان ، واجد علی ، اسامہ خلیل ، اسد ، خاشر ، شازیب، عدیل اور محمد اسلم ، دوسو میٹر ریس میں واجد علی ، اسد ، ممتاز ، فرہاد علی شامل ہیں۔