اسرائیلی فوج نے غزہ کی سرحد پرآئرن ڈوم کی بیٹریاں نصب کر دیں

قابض صہیونی فوج نے غزہ کی سرحد کے قریب فضائی دفاعی نظام آئرن ڈوم کی بٹیریاں نصب کردیں ۔میڈیارپورٹس کے مطابق یہ پیش رفت ایک ایسے وقت میں سامنے آئی ہے جب دوسری طرف اسرائیل کی جنوبی سرحد پر حالیہ ایام میں فلسطینیوں کے ساتھ کشیدگی پائی جا رہی ہے۔ آئندہ ماہ اسرائیل میں ہونے والے کنیسٹ کے انتخابات کے موقع پر غزہ کی پٹی کے محاذ پر کشیدگی کا خدشہ موجود ہے۔ اس کے علاوہ حال ہی میں امریکی صدر ڈونلڈ ٹرمپ کےمشرق وسطیٰ منصوبے 'صدی کی ڈیل' کے سامنے آنے کے بعد بھی فلسطینیوں اوراسرائیلی ریاست کے درمیان کشیدگی پائی جا رہی ہے۔حالیہ ایام میں فلسطین کے علاقے غزہ کی پٹی سے اسرائیلی ریاست پر 10 میزائل حملے کیے۔