قدیر شجاع آبادی عرف کشمیری بابا  کا احتجاج‘ مظلوم کشمیری بابا  کا روپ دھار کر خاکہ پیش کیا

شجاع آباد (خبر نگار +نمائندہ نوائے وقت) معروف شاعر و اداکار قدیر شجاع آبادی عرف کشمیری بابا کا انوکھا احتجاج کشمیریوں سے اظہار یکجہتی قدیر شجاع آبادی نے مظلوم کشمیری بابا کا روپ دھار کر خاکہ پیش کیا۔ اللہ ہو چوک پر گزشتہ سال کی طرح اس سال پھر بابا کا روپ دھار کر قدیر شجاع آبادی نے کہاکہ کشمیر میں کرفیوں کا 595دن ہوگئے مگر ابھی تک بھارت کے ظلم وستم روکنے کے لیے کوئی جامعہ عملی اقدامات نہیں کیے گئے ہم کشمیریوں پر ہونے والے مظالم کے خلاف سراپا احتجاج ہیں اور مظلوم کشمیریوں کی قربانیوں کو خراج تحسین پیش کرتے ہیں انہوں نے مزید بابا کے روپ میں اقوام عالم کے ضمیر کو جھنجوڑااور کہا کہ کشمیر کی آزادی تک اور بھارت کی بربادی تک جنگ جاری رہے گی۔ اس موقع پر تحصیل صدر مسلم لیگ ن رائو شہزاد سلیم ،تحصیل صد کامران بھٹی ،سٹی صدر مسلم لیگ ن سعید احمد قریشی ودیگر نے خطاب کرتے ہوئے کہا کہ اقوام متحدہ اور انسانی حقوق کی تنظیمیں مودی کے مظالم کا نوٹس لیں۔