فیروز والا (نامہ نگار ) شاہدرہ اور جی ٹی روڈ پر ٹریفک حادثات میں خاتون سمیت تین افراد جاں بحق اور 2افراد زخمی ہو گئے ۔بتایا گیا ہے کہ امامیہ کالونی کے قریب ون ویلنگ کے دوران موٹر سائیکل نے راہگیر محمد حسین کو روند ڈالا طبی امداد کیلئے ہسپتال لے جایا گیا تاہم دم توڑ گیا ۔ متوفی پاک پتن کا رہنے والا تھا فیروز والانے واقعہ کی رپورٹ درج کر لی۔ لاہور روڈ کی آبادی ٹول پلازہ کے قریب تیز رفتار ٹریکٹر ٹرالی نے موٹر سائیکل سوار کو روند ڈالا جس کے نتیجہ میں موٹر سائیکل سوار 16سالہ کاشف جاںبحق ہو گیا حادثے کے بعد ڈرائیور فرار ہو گیا جی ٹی روڈ پر رانا ٹائون کے قریب تیز رفتار مزدا ٹرک نے موٹر سائیکل سوار کو ٹکڑ مار دی جس کے نتیجہ میں نوجوان شاہد حبیب جاںبحق ہو گیا ۔شرقپور روڈ پر سڑک کی خرابی کے باعث موٹر سائیکل سلپ ہوجانے کے باعث دو نوجوان گر کر زخمی ہو گئے شاہدرہ کے قریب معمر خاتون سڑھیوںسے گر کر جاںبحق ہو گئی پولیس نے رپورٹ درج کر لی۔