سعودی عرب کے حکام نے کورونا وائرس کو پھیلنے سے روکنے کے لیے آئندہ 10 دن تک ملک بھر میں تفریحی سرگرمیوں پر پابندی عائد کر دی ہے۔عرب نیوز کے مطابق وزارت داخلہ نے کورونا وائرس کی وبا کو پھیلنے سے روکنے کے لیےآئندہ 10 دن تک کے لئے سینما اور اِن ڈور تفریحی سرگرمیاں بند کر دی ہے۔ وزارت کا کہنا ہے کہ صورتحال کو دیکھتے ہوئے اس پابندی میں توسیع بھی کی جا سکتی ہے۔ واضح رہے کہ سعودی عرب میں کورونا وائرس کی وجہ سے اب تک6ہزار افراد ہلاک ہوچکے ہیں۔