یوم یکجہتی کشمیرکے موقع پر سی پیک روٹ کا افتتاح،مولانا فضل الرحمن کا شیڈول جاری

اسلام آباد(خبر نگار)5 فروری یوم یکجہتی کشمیرکے موقع پر سی پیک روٹ افتتاح کے حوالے سے امیر جمعیت علماء اسلام مولانا فضل الرحمن کا شیڈول جاری کردیا گیا ہے مرکزی ترجمان جے یو آئی اسلم غوری کے مطابق جے یوآئی کے سربراہ مولانا فضل الرحمان 5 فروری کو دن 10بجے آبپارہ چوک اسلام آبامیں خطاب کریں گے مولانا فضل الرحمان آبپارہ میں کشمیریوں سے اظہار یکجہتی کریں گے آبپارہ سے قافلہ کی قیادت کرتے ہوئے ڈی آئی خان کیلئے روانہ ہوں گے مولانا فضل الرحمان موٹروے پر ہکلہ کے مقام پر سی پیک کا عوامی افتتاح کریں گے مولانا فضل الرحمان دن 12بجے ہکلہ میں کارکنان سے خطاب کریں گے پشاور، اٹک، ٹیکسلا، صوابی کے قافلے ہکلہ سے مولانا فضل الرحمان کی قیادت میں ڈی آئی خان روانہ ہوں گے اسلم غوری کے مطابق مولانا فضل الرحمان کا پنڈی گھیپ، عیسی خیل، میانوالی، لکی مروت، بنوں کے مقامات پر سی پیک پر استقبال ہوگامولانا فضل الرحمان ڈی آئی خان پہنچ کر یارک کے مقام پر جلسہ عام سے خطاب کریں گے۔