وفاقی وزیر علی زیدی  کے والد انتقال کر گئے 

 کراچی (نوائے وقت رپورٹ) وفاقی وزیر برائے بحری امور علی زیدی کے والد انتقال کر گئے۔ سماجی رابطے کی ویب سائٹ ٹوئٹر پر وفاقی وزیر اور پاکستان تحریک انصاف سندھ کے صدر علی زیدی نے انتقال کی اطلاع دیتے ہوئے پوسٹ شیئر کی کہ میرے والد سید سجاد حیدر زیدی علالت کے باعث دارفانی سے کوچ کر گئے۔ وزیر اعلی پنجاب سردار عثمان بزداراور وزیراعظم کے معاون خصوصی شہباز گل نے وفاقی وزیر علی زیدی کے والدکے انتقال پر اظہار افسوس کیا ہے۔ وزیر اعلی عثمان بزدار نے اپنے تعزیتی پیغام میں علی زیدی اور سوگوار خاندان سے دلی ہمدردی و اظہار تعزیت کیا اور سوگوار خاندان کیلئے صبرجمیل کی دعا بھی کی۔