شاد باغ: لڑکیوں کو تنگ کرنے والے برقعہ پہنے دو اوباش گرفتار

لاہور (نامہ نگار)شاد باغ پولیس نے اکیڈمی سے گھر جانے والی لڑکیوں کو تنگ کرنے والے برقعہ پہنے دو اوباش لڑکوں کو گرفتار کر لیا ہے۔ تفصیلات کے مطابق شاد باغ کے علاقے میں دو لڑکے برقعہ پہن کر لڑکیوں کو تنگ کرتے اور فرار ہو جاتے تھے۔ اطلاع ملنے پرشاد باغ پولیس نے کارروائی کرتے دونوں نوجوانوں کو گرفتار کر لیا ہے۔ گرفتار ملزموں میں حبیب ڈار اور شاہ میر شامل ہیں۔ پولیس نے مزید تفتیش کے لیے انوسٹی گیشن پولیس کے حوالے کر دیا ہے۔