نارووال اور پسرور میں دکانداروں کو لوٹنے والے ڈکیت گینگ کوٹریس کرلیا : شیخ الیاس 

پسرور(نامہ نگار) ڈپٹی سپرنٹنڈنٹ پولیس نارووال شیخ محمد الیاس نے کہا ہے پولیس نے متعددکانداروں اور راہگیروں کو لوٹنے اور مزاحمت پر ایک شخص کو فائرنگ کرکے زخمی کرنے والے ڈکیت گینگ کو ٹریس کرلیا ہے اور ملزمان کی فوری گرفتاری کیلئے ٹیم تشکیل دیدی گئی ہے،انہوں نے بتایا آئندہ48گھنٹوں میں ملزمان کو ممکنہ طور پر گرفتار کرکے جیل کی سلاخوں کے پیچھے بھیج دیا جائے گا ۔انہوں نے بتایا نارووال اور پسرور میں وارداتیں کرنے والے مبینہ ڈاکوئوں کے سرپرستوں اور سہولت کاروں کے خلاف بھی سخت تادیبی کارروائی کی جائے گی۔