کراچی(آئی این پی)قومی کرکٹ ٹیم کے سابق ہیڈ کوچ وقار یونس نے نیوزی لینڈ کے سابق کھلاڑی و معروف کرکٹ کمنٹیٹر ڈینی موریسن کو پاگل آدمی کہہ دیا۔ڈینی موریسن  جمعرات کو اپنی 56ویں سالگرہ منائی  اور اس موقع پر وقار یونس نے مائیکرو بلاگنگ سائٹ ٹوئٹر پر ان کے لیے دلچسپ پیغام جاری کیا ہے۔وقار یونس نے اپنے تصدیق شدہ ٹوئٹر اکائونٹ پر ڈینی موریسن کی دلچسپ تصویر شیئر کی جس میں انہوں نے تھوڑی عجیب سی شکل بنائی ہوئی ہے۔سابق کرکٹر نے اپنے ٹوئٹ میں ڈینی موریسن سے مخاطب ہوتے ہوئے مزاحیہ انداز میں لکھا کہ اس پاگل آدمی کو سالگرہ مبارک ہو۔انہوں نے خوشی کا اظہار کرتے ہوئے مزید لکھا کہ یہ پارٹی کا وقت ہے۔واضح رہے کہ ڈینی موریسن نیوزی لینڈ کے سابق کھلاڑی رہ چکے ہیں اور ساتھ ہی وہ معروف کرکٹ کمنٹیٹر بھی ہیں۔ڈینی موریسن 1966میں 3فروری کو نیوزی لینڈ کے شہر آکلینڈ میں پیدا ہوئے تھے۔