نواز شریف‘ شہباز شریف‘ مریم نواز کو پہلوانوں نے گرز پیش کیا پگڑی پہنائی‘ پنجابی میں بھی خطاب

گوجرانوالہ ،جھلکیاں (فرحان راشد میر سے) مسلم لیگ (ن) کے سربراہ میاں محمد نواز شریف اور مریم نواز جلسہ میں خطاب کیلئے ہیلی کاپٹر پر آئے۔٭ سلمان خالد پومی بٹ نے ویلکم کیا‘ لیگی امیدوار عمران خالد بٹ نے جلسہ گاہ پہنچنے پر استقبال کیا۔ ٭ میاں نواز شریف اور شہباز شریف کو روائتی پگڑی پہنائی گئی۔ ٭ میاں نواز شریف کو پگڑی بے حد پسند آئی وہ پہن کر واپس روانہ ہوئے۔ ٭ پہلوان کو سٹیج پر پہلوانی دائو مار کر نیچے گرایا۔ ٭ میاں نواز شریف ،شہباز شریف اور مریم نواز کو پہلوانوں نے پہلوانی گرز پیش کئے گئے۔ ٭ نواز شریف کی آمد پر جلسہ گاہ وزیر اعظم نواز سے گونج اٹھا۔ ٭ میاں نواز شریف اور شہباز شریف نے تقریر کے دوران پنجابی بھی بولی۔  ٭ انجینئر خرم دستگیر خان نے گرم جوشی کیساتھ نواز شریف کو تقریر کیلئے دعوت کا اعلان کیا۔ ٭ جلسہ گاہ لیگی کارکنوں سے کھچا کھچ بھڑا تھا، جناح سٹیڈیم کے باہر کارکنوں کی بڑی تعداد موجود تھی، جو رش کے باعث اندر داخل نہ ہو سکی۔ جلسہ گاہ کے اندر اور باہر پولیس کی بھاری نفری ڈیوٹی سرانجام دے رہی تھی۔