لاہور ( خصوصی نامہ نگار )مصطفوی سٹوڈنٹس موومنٹ کے زیر اہتمام گلگت بلتستان سے آئے ہوئے طلباء کے ایک ماہ دورانیے کے ونٹر سٹڈی کیمپ 2024 کی اختتامی تقریب سے خطاب کرتے ہوئے چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے کہا کہ نوجوان کامیاب زندگی گزارنے کیلئے علم کو اپنا اوڑھنا،بچھونا بنائیں۔وہی علم نفع بخش ہے جس پر عمل کیا جائے اور جس کا مخلوق خدا کو فائدہ پہنچے۔ علم اللہ کا نور ہے اور یہ نور دل کے میلے برتن میں کبھی جمع نہیں ہوتا۔ لہٰذا اپنے دل کو دنیا کی حرص و ہوس سے پاک صاف رکھیں۔