واہ کینٹ (نامہ نگار) آتھ فروری کو حلقہ این اے چون سے ہوائی جہاز کامیاب ہوگا اورچوہدری نثار علی خان ایک بار پھر عوام کی خدمت کیلئے جیت کر نئے جذبے سے ترقیاتی کاموں کا آغاز کر کے ترقی کی تاریخ ایک بار پھر دہرائیں گے ان خیالات کا اظہار چوہدری نثار علی خان گروپ کے حمزہ حمیری،فیض زیدی، سعد ملک ،حذیفہ عمر، انیق اور دیگر نے اپنے بیا نات میں کیا انہوں نے کہا کہ اس بار نوجوان بڑی تعد اد میں چوہدری نثار علی خان کے ساتھ ہیں اور ان کی انتخابی مہم چلا رہے ہیں کیونکہ انہوںنے نوجوانوںکو تعلیم کے مواقع فراہم کئے خصوصاََ حلقہ کی خواتین کیلئے حلقہ میں دو ڈگر ی کالجز تعمیر کرکے دیئے ہمارے بزرگوں کو صحت کی سہولت فراہم کی واہ کینٹ میں تمام سہولیات سے مزین واہ جنرل ہسپتال تعمیر کرایا جوکہ اس حلقہ کیلئے ایک تحفہ ہے۔