راولپنڈی(اپنے سٹاف رپورٹرسے)مسلم لیگ ن کے نامزد امیدوار این اے55ملک ابراراحمد،امیدوار پی پی15ملک منصورافسر نے کہا ہے کہ مسلم لےگ ن نے اپنے ادوار مےں انڈرپاسز،فلائی اوور بنائے،بجلی کے کارخانے لگائے، سکول، یونیورسٹیز، ہسپتال بنائے،میٹرو بس سروس شروع کی،میٹروٹرین شروع کی ،8فروری کو ایک بار عوام کے پاس موقع ہے کہ وہ نوازشریف کو جتانے کیلئے مسلم لیگ ن کے امیدواروں کو کامیاب کرائیں شیر کے انتخابی نشان پر مہر لگائیں تاکہ تعمیر و ترقی کاجوسلسلہ218سے ختم ہواتھا پھرسے شروع ہوسکے ان خیالات کااظہارانہوں نے زرین گارڈن شادی ہال ٹینچ بھاٹہ میںاسرار شاہ بخاری، راجہ آفتاب احمد، راجہ غلام علی ودیگرکے زیراہتمام کارنرمیٹنگ سے خطاب کرتے ہوئے کیا،عرش سہیل نامی بچے نے نعت رسول مقبول ﷺ پڑھنے کی سعادت حاصل کی،اس موقع پرچوہدری طیب ،ممبر کینٹ بورڈ ارشدمحمودقریشی، ملک صبور،ملک عمران افسر،چوہدری اظہر،ملک گلزار،ملک عمران، ودیگرنے بھی خطاب کیا،ملک ابراراحمد نے کہا کہ ووٹ آپ کے پاس امانت ہے اسے دیانتداری کیساتھ استعمال کرناچاہیے،2018میں آپ کاووٹ چوری کیاگیا اور ایسے لوگ اقتدارمیں آئے جنہوں نے ملک تباہ کردیا مگر اب ایسا نہیں ہونے دینا ۔ووٹ کاسٹ کرنے کے ساتھ ساتھ اپنے ووٹ کی حفاظت بھی کرناہوگی
، ملک منصورافسرنے کہا کہ میں نے بطور ممبر کینٹ بورڈ اپنے علاقے میں ملک ابرارکیساتھ ملکر ساڑھے 13کروڑروپے سے زائد کی لاگت کے بے شمار ترقیاتی کام کرائے،اس کاکریڈٹ یہ سامنے آیا کہ میری اپنی وارڈمیں میرے مقابلے میں میری جماعت مسلم لیگ ن کاکوئی امےدوارسامنے نہیں آیا۔