پاکستان نے بھارتی کھلاڑیوں کو مارا کم گھسیٹا زیادہ، ذلت برداشت نہیں ہوتی: سدھو

نئی دہلی (نوائے وقت رپورٹ) بھارتی کمنٹیٹر اور کرکٹر سدھو نے بھارتی ٹیم پرشدید تنقید کرتے ہوئے کہا کہ پاکستان نے بھارتی کھلاڑیوں کو مارا کم گھسیٹا زیادہ ہے۔ انہوں نے کہا کہ پاکستان کی یہ بڑی جیت ہے۔ اس نے گھر میں آ کر ہرایا ہے۔ لڑ کر ہارنا بہتر ہے، اتنی ذلت کی ہار برداشت نہیں ہوتی۔ پربھارکر نے کہا کہ دھونی پہلے یا دوسرے نمبر پر کیوں نہیں آتے وہ اتنی اچھی فارم میں ہیں تو اتنا پیچھے نہیں آنا چاہئے تھا وہ حفیظ سے سبق کیوں نہیں سیکھتے۔ دھونی اور سہواگ میں ان بن اگر ہے بھی تو انہیں ملک کیلئے کھیلنا چاہئے۔ اب بھارت کس بنیاد پر اگلا میچ کھیلے گا جبکہ وہ سیریز ہار چکا ہے۔