انگلش کرکٹ ٹیم ایلسٹرکک کی قیادت میں جیت کا عزم لئے نئی دہلی پہنچ گئی

نئی دہلی (آئی اےن پی) انگلش کرکٹ ٹیم ایلسٹرکک کی قیادت میں جیت کا عزم لئے نئی دہلی پہنچ گئی۔ انگلش ٹیم بھارت کے خلاف پانچ ایک روزہ بین الاقوامی کرکٹ میچوں کی سیریز کھیلے گی۔ اس سے قبل کھیلی گئی ٹیسٹ سیریز میں انگلش ٹیم فتح یاب رہی تھی جبکہ دونوں ٹیموں کے درمیان کھیلی گئی ٹی ٹونٹی سیریز برابر رہی تھی۔ ٹیسٹ اور ٹی ٹونٹی سیریز کھیلنے کے بعد انگلش ٹیم کرسمس اور نئے سال کی تقریبات منانے کےلئے وطن واپس لوٹ گئی تھی اور اب ون ڈے سیریز میں قسمت آزمائی کرنے کےلئے جمعرات کو نئی دہلی پہنچ گئی ہے۔