پاکستان کے خلاف شکست پر بھارت کا میڈیا اپنی ہی ٹیم پر برس پڑا۔ شائقین بھی بے بسی سے اپنے کھلاڑیوں کو آؤٹ ہوتا دیکھتا رہے۔

ایڈن گارڈنز میں بھارت ٹیم کو گرین شرٹس کیخلاف ایک بار پھر ناکامی کا سامنا کرنا پڑا۔ سٹیڈیم میں موجود بھارتی شائقین جو اپنےباؤلرزکی کارکردگی پر نازاں دکھائی دیتے تھے، انکی خوشیوں پر بھارتی بلےبازوں نے ایک مرتبہ پھر پانی پھیردیا۔ میزبان ٹیم کی ہروکٹ گرنے پر سٹیڈیم میں موجود شائقین شدید مایوسی کاشکار دکھائی دئیے۔ سعید اجمل کے تباہ کن سپیل نے تو بھارتی ٹیم کی کمر اور شائقین کے خواب ہی توڑ کر رکھ دئیے۔ ٹیم کی ناکامی پر بھارتی میڈیا بھی اپنی ہی ٹیم کے خلاف برس پڑا اور اسے بلےبازوں کی ناکامی قرار دیا۔ بھارتی میڈیا کے مطابق انکے بلے باز پاکستانی باؤلرز سے خوفزدہ نظر آئے اور انہیں ڈر کر کھیلے جس کے باعث وہ آؤٹ ہوئے۔