ریڈیو ملتان کے سٹوڈیوز اپ گریڈ‘ نشریات کا دائرہ وسیع ہو گیا: مختار ملک

ملتان (سٹاف رپورٹر) سٹیشن ڈائریکٹر ریڈیو پاکستان ملتان مختار ملک نے کہا ہے کہ ریڈیو پاکستان ملتان کے سٹوڈیوز کو اپ گریڈ کرنے سے ریڈیو پاکستان ملتان کی نشریات کا دائرہ کار وسیع ہوا ہے اور ٹرانسمین کوالٹی بہتر ہوئی ہے یہ بات انہوں نے ریڈیو پاکستان ملتان کے اپ گریڈ کئے گئے اسٹوڈیوز کی افتتاحی تقریب سے خطاب کرتے ہوئے کہی انہوں نے کہا کہ ریڈیو پاکستان ملتان کی نشریات اب اندرون سندھ اور مٹھی کے علاقوں تک صاف سنائی دے رہی ہیں انہوں نے کہا کہ ریڈیو پاکستان ملتان کی موسیقی اور ڈراما کے شعبوں کو بھی بتدریج بہتر بنایا جا رہا ہے۔ مختار ملک نے کہا کہ نئے سال کی آمد پر ریڈیو پاکستان ملتان نے میڈم ویو اور ایف ایم چینل 101 اور 93 کے پروگرام میں تبدیلی لائی جارہی ہے۔ اور کئی نئے پروگرام شروع کرنے کے علاوہ نئے سلسلے بھی شروع کئے جا رہے ہیں۔ تقریب میں اسٹیشن ڈائریکٹر مختار ملک نے نمایاں کارکردگی پر ڈپٹی کنٹرولنگ انجینئرنگ شہزاد الحسن بھٹی‘ منیجر طاہر محمود‘ انجینئرز طارق محمود اور محمد علی کو تعریفی سرٹیفکیٹ فراہم کئے۔
مختار ملک