نئی دہلی (نیٹ نیوز) بھارت میں بھی کیتھولک پادریوں کے ہاتھوں راہباؤں کے جنسی استحصال کا انکشاف سامنے آیا ہے۔ امریکی خبر رساں ادارے کی تحقیقاتی رپورٹ کے مطابق پورے بھارت میں راہباؤں کو کئی دہائیوں سے پادریوں کے ہاتھوں جنسی استحصال کا سامنا رہا ہے۔ رپورٹ کے مطابق راہباؤں کو شکوہ ہے کہ کیتھولک مذہبی رہنما ان کے تحفظ کے لیے کچھ نہیں کرتے۔ پادری مختلف طریقوں سے دباؤ ڈال کر انہیں جنسی تعلقات استوار کرنے پر مجبور کرتے ہیں۔ رپورٹ میں مزید بتایا گیا اس استحصال کی کہانیاں سامنے نہیں آپاتیں، لیکن سرگوشیوں میں ہونے والی باتیں اس گھناؤنی صورتحال کو بے نقاب کرتی ہے۔