پی ایس ایل کا آفیشل ترانہ کھیل دیوانوں کا اگلے ہفتے ریلیز ہوگا

لاہور(آئی این پی)پاکستان سپر لیگ( پی ایس ایل)فور کا آفیشل ترانہ کھیل دیوانوں کا اگلے ہفتے ریلیز کیا جائے گا۔گزشتہ تینوں ایڈیشنز کے گانوں میں علی ظفر نے آواز کا جادو جگایا تھا،اس بار فواد خان کی خدمات حاصل کی گئی ہیں، فی الحال پی سی بی کی جانب سے آفیشل سونگ کی ایک جھلک جاری ہوئی ہے۔اگلے ہفتے باقاعدہ طور پر ریلیز کردیا جائے گا، چوتھے ایڈیشن کا آغاز 14 فروری کو ہوگا۔پی سی بی کے ایک عہدیدار کا کہنا ہے کہ پی ایس ایل فور کیلئے تیار کیا جانے والا گانا گزشتہ تینوں سے بہتر اور شائقین کی بھرپور توجہ حاصل کرے گا۔