لاہور (نامہ نگار) ڈاکوؤں اور چوروں نے شہرکے مختلف علاقوں میں وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات،موبائل فون، گاڑیاں، موٹر سائیکلیں اور دیگر سامان لوٹ لیا۔تفصیلات کے مطابق ڈاکوؤں نے گلشن راوی میں ساجد کے گھر گھس کر اہلخانہ کو گن پوائنٹ پر یرغمال بنا کر5لاکھ70ہزار روپے مالیت، مانگا منڈی میںعدیل کی فیملی کو یرغمال بنا کر4لا کھ40ہزار روپے مالیت، مغلپورہ میں پرویز کی فیملی کو یرغمال بنا کر 3 لاکھ 60 ہزار روپے مالیت، شمالی چھاونی کے علا قہ میں نذیرکے گھر گھس کر2لاکھ 80ہزار روپے مالیت، ہڈیارہ میں رمضان کے گھر سے 2لاکھ24ہزار روپے مالیت، اسلام پورہ میںنفیس کی فیملی کو یر غما ل بنا کر ایک لا کھ70ہزار روپے مالیت کی نقدی،طلائی زیورات، موبائل فون اور دیگر سامان لوٹ لیا جبکہ مختلف علاقوں میں راہزنی کی پانچ وارداتوں میں شہریوں سے ہزاروں روپے نقدی اور موبائل فون لوٹ لئے گئے۔ دوسری طرف گارڈن ٹاؤن اور گلشن راوی کے علاقوں سے دوگاڑیاں جبکہ نواں کوٹ،مصری شاہ ،مزنگ اور گلبرگ کے علاقوں سے چار موٹر سائیکلیں چوری کر لی گئیں۔