فیصل آباد:  رشتہ تڑوانے  پر 5  افراد کا خاتون پر تشدد، منہ کالا کر دیا

فیصل آباد (آن لائن ) رشتہ تڑوانے پر مشتعل افراد نے خاتون کو تشدد کا نشانہ بناتے ہوئے منہ کالا کر دیا، تاندلیانوالہ پولیس نے تین خواتین سمیت 5 افراد کے خلاف مقدمہ درج کر کے تلاش شروع کر دی۔ تفصیل کے مطابق 616 گ ب کی رہائشی عنصر بی بی زوجہ ولائت نے پولیس رپورٹ میں بتایا کہ گزشتہ روز وہ ضروری کام جا رہی تھی کہ اس دوران فاروق، محمد سلیم، ساجدہ بی بی، ہاجرہ بی بی اور شگفتہ آئے اور للکارا مار کہ عنصر بی بی کو پکڑ کر جان سے مار دو، جس پر ملزمان فاروق اور سلیم نے پکڑ لیا اور  تشدد کرتے ہوئے اپنے گھرلے گئے جہاں پر اس کا منہ کالا کرتے ہوئے تشدد کرتے رہے، ملزمان کو شبہ تھا  محمد فاروق کا رشتہ اس نے تڑوا کر کسی دوسری جگہ کروا دیا ہے، پولیس نے مقدمہ درج کر کے تفتیش شروع کر دی ہے۔