مسٹر، جونیئر مسٹر پنجاب 2021ء باڈی بلڈنگ مقابلے 28فروری سے ہونگے 

لاہور(سپورٹس رپورٹر) 69ویں مسٹر، جونیئر مسٹر پنجاب 2021ء فٹنس فزیک، مسٹر کلاسک فزیک اور مسٹر ماسٹر باڈی بلڈنگ مقابلوں کے شیڈول کا اعلان کر دیا گیا ہے۔  مقابلے 28 فروری 2021ء میں لاہور میں منعقد ہونگے۔ صدر پاکستان باڈی بلڈنگ فیڈریشن شیخ فاروق اقبال کا کہنا ہے کہ اس سلسلہ میں تمام الحاق رکھنے والے یونٹس، جم مالکان اور کوچز کو مقابلوں کے بارے میں آگاہ کر دیا گیا ہے۔
 تاکہ وہ اپنے تن ساز کھلاڑیوں کی ٹریننگ کا آغاز کر دیں۔ ہمیشہ کی طرح اس مرتبہ بھی باڈی بلڈرز کو اچھے مقابلے دیکھنے کو ملیں گے۔ تقریباً کھلاڑیوں کو دو ماہ کا وقت دیا گیا ہے تاکہ وہ اپنی پوری تیاری کے ساتھ مقابلوں میں شریک ہو سکیں۔