راولپنڈی(اپنے سٹاف رپورٹر سے)تھانہ سٹی پولیس نے پولیس یونیفارم میں ٹک ٹاک ویڈیوز بنانے والے میاں بیوی گرفتارکرلئے جن سے پولیس یونیفارم، لیپ ٹاپ اور موبائل فون بر آمدکرلئے گئے  جوڑے کی پولیس کو اطلاع ملی کہ وہ  تاج کمپنی کے قریب سے گذر کر جا رہے ہیں جس پر پولیس نے  انیزہ گوہر اور محمد بلال کو گرفتار کرلیا ملزمان کے قبضے سے پولیس یونیفارم، لیپ ٹاپ اور موبائل فون بر آمد کر کے مقدمہ درج کر لیا گیا ہے،ایس ایچ اونے بتایاکہ انیزہ گوہر اپنے آپ کو اڈیالہ جیل کا اہلکار ظاہر کرتی تھی ملزمان پولیس یونیفارم میں اپنی ویڈیوز اور تصاویر بناتے اور ٹک ٹاک پرشیئر کرتے تھے۔