لاہور( سپیشل رپورٹر)ایگزیکٹوڈائریکٹر الحمراء اعجاز احمد منہاس کی زیر صدارت مختلف امور کا جائزہ لینے کیلئے اجلاس منعقد ہوا۔اجلاس میں ادب وثقافت کے فروغ کی رفتار کو تیز کرنے پر اتفاق کیا گیا۔نئے سال کے آغاز پر تمام افسروں نے اپنے فرائض کی انجام دہی کے حوالے سے بھرپور عزم کا اعادہ کیا۔ ایگزیکٹوڈائریکٹر الحمراء اعجاز احمدمنہاس نے اس موقع پر کہا کہ نیا سال آرٹ،ڈرامہ، موسیقی،تھیٹر و فنون لطیفہ کے دیگر اصناف کی ترویج و ترقی کا سال ہوگا۔ اجلاس میں ڈپٹی ڈائریکٹر ایڈمن آفتاب احمد انصاری، ڈپٹی ڈائریکٹر لائبریری محمد عارف،ڈپٹی ڈائریکٹر پی آر صبح صادق نے شرکت کی۔اسسٹنٹ ڈائریکٹر خرم نویل،منی ٰہارون،مظہر اقبال،ثمرین بخاری،طاہر محمود بھی شریک ہوئے۔