حافظ آباد:ڈاکوگھر سے موٹر سائیکل، رقم لے گئے،3زرعی موٹریں چوری

حافظ آباد(نمائندہ خصوصی+نامہ نگار+نمائندہ نوائے وقت)حافظ آباد میں ڈاکووں اور چوروںکی لوٹ مار عروج پر پہنچ گئی۔ گذشتہ رو ز تین ڈاکو زوہیب ولد حبیب اﷲکے گھر داخل ہوئے اور اہل خانہ کو  یرغمال بناکر موٹر سائیکل اور 10ہزار روپے لے گئے۔ نواحی گائوں حسیکی میں عاقب، مہدی حسن، گلزار، اور ظفر کی زرعی موٹریں ، جلالپور سے محمد یوسف کا گھر کے باہر کھڑا موٹر سائیکل چورلے گئے۔ جبکہ پنڈی بھٹیاںکے محلہ معصوم پورہ میںغضنفر عباس ولد محمد بشیر کے گھر سے طلائی زیورات اور 80ہزار وپے نقدی چرالی گئی۔