راولپنڈی (جنرل رپورٹر)پیپلز پارٹی آزاد کشمیر کے صدر چوہدری یاسین نے کہا ہے کہ شہید ذوالفقار علی بھٹومیرے آئیڈیل ہیں، اپنے حلقے میں متعدد تعلیمی ادارے بنوائے، خواتین کی تعلیم ترجیحات میں شامل ہے، یہ باتیں انہوں نے سماجی وانسانی حقوق کی تنظیم کی راہنماءمریم ادریس سے ملاقات میں کیں ، چوہدری محمد یاسین نے کہا کہ نوجوان نسل،خواتین کو آگے بڑھ کر معاشرے وملک کی تعمیر وترقی میں اپنا کردار ادا کرنا چاہیے مریم ادریس نے چوہدری یاسین کے عوامی خدمت کے جذبے کو سراہتے ہوئے بتایا کہ میں بھی بچیوں کی تعلیم پر فوکس کیے ہوئے ہوں اور اس حوالے سے مختلف سرکاری اسکولوں کے دورہ جات بھی کیے ہیں چوہدری یاسین نے ان کی کاوشوں کو سراہا اور کہا کہ نوجوان نسل کو آگے بڑھنا چاہیے.