جدید خصوصیات سے مزین ٹیکنو سپارک20پاکستان میںمتعارف

لاہور(کامرس رپورٹر)پاکستان کے معروف موبائل برانڈ ،ٹیکنو نے اپنی مقبول سپارک سیریز کے سب سے زیادہ انتظار کیا جانیوالا سپارک 20 متعارف کرادیا ہے۔ گریویٹی بلیک، سائبر وائٹ، نیون گولڈ اور میجک سکن بلیو جیسے دیدہ زیب رنگوںمیں دستیاب اس سمارٹ فون کی ناقابل فراموش قیمت ہے۔ Spark Beyond the Ordinary کی ٹیگ لائن کے بعد، سمارٹ فو ن کا یہ نیا ایڈیشن جدید خصوصیات سے مزین ہے،جس کی 6.6انچ کی آئی پی ایس ایل سی ڈی ٹچ سکرین ڈسپلے صاف شفاف بصری تجربہ کیلئے 90Hz   کا ہموار ریفریش ریٹ فراہم کرتا ہے۔مضبوط Helio G85   چپ سیٹ اور ایک طاقتور Octa-Core پروسیسر پر مشتمل سپارک 20 بناء کسی رکاوٹ کے ٹاسکنگ اور گیمنگ کا بہترین تجربہ فراہم کرتا ہے۔ 8GB ریم اور 256GB کی بلٹ ان میموری کے ساتھ 256GB تک قابل توسیع میموری کی سہولت صارفین کو سٹوریج کی خاطر خواہ آسانی اور فون کی تیز کارکردگی کی فراہمی یقینی بناتی ہے۔اس کا ڈوئل بیک کیمرہ سیٹ اپ 50میگا پکسل کے مرکزی سینسر اور 0.08میگا پکسل کے سیکنڈری سینسر پر مشتمل ہے جبکہ 32 میگا پکسل کا فرنٹ کیمرہ فوٹو گرافی کو نئی بلندیوں تک لے جاتا ہے۔اس کی 5000mAh کی بیٹری ایک ہی چارج پر تمام دن چلتی ہے ۔