عوام نے وعدہ خلافی کرنے والوں، نبھانے والوں کا فرق ووٹ سے دکھانا ہے: شہباز شریف

لاہور (نوائے وقت رپورٹ) شہباز شریف سے پارٹی رہنماؤں عبدالرحمن کانجو، رانا منور غوث، امانت شادی خیل اور اعظم نذیر تارڑ نے ملاقات کی۔ مجموعی ملکی صورتحال اور انتخابی تیاریوں سے متعلق تبادلہ خیال کیا گیا۔ پارٹی رہنماؤں نے اپنے حلقوں میں جاری انتخابی سرگرمیوں سے متعلق آگاہ کیا۔ شہباز شریف نے پارٹی رہنماؤں اور کارکنوں کے جذبے کی تعریف کی۔ شہباز شریف نے کہا کہ عوام کی پریشانیوں کو ختم کرنے کی جامع منصوبہ بندی کر لی ہے۔ حلقوں میں عوام کو مسلم لیگ ن کے معاشی ایجنڈے سے آگاہ کریں۔ چار سال میں ہونے والی تاریخی تباہی ٹھیک کرنے میں وقت  لگے گا۔ صرف مسلم لیگ ن مسائل کا حل اور عوام کو ریلیف دے سکتی ہے۔ عوام نے وعدہ خلافی کرنے والوں، وعدہ نبھانے والوں میں ووٹ سے فرق دکھانا ہے۔صرف مسلم لیگ (ن) مسائل حل اور عوام کو ریلیف دے سکتی ہے۔ معاشی‘ عوامی مسائل کے حل کی سنجیدہ منصوبہ بندی صرف ہمارے پاس ہے۔