بک شیلف…پیر سید سیف اللہ خالد گیلانی کی نئی تصانیف

پیر سید سیف اللہ خالد کا تعلق ایک بڑے دینی خانوادے سے ہے اور انہوں نے اپنی زندگی انسانوں کی خدمت کے ساتھ ساتھ انکی روحانی تربیت کیلئے وقف کر رکھی ہے ان کا قلم بھی لوگوں کی اصلاح کیلئے اور خدا اور اسکے رسولؐ کی تعلیمات کو پھیلانے کیلئے مسلسل مصروف رہتا ہے حال ہی میں انکی تین نئی کتابیں منصہ شہود پر آئی ہیں جن میں انہوں نے نہایت خوبصورتی کے ساتھ نبی مکرمؐ کی ذات انکے توسل ان سے محبت اور انکے میلاد کے حوالے سے تحقیقی اور علمی حوالے سے عشق و محبت کی دولت کو عام کرنے کی جو کوشش ہے وہ انکے لئے زادہ آخرت و نجات آخروی ثابت ہو گی ’’کلام الحسین‘‘ میں چہل احادیث کا ترجمہ و تشریح نہایت دل نشین انداز میں کی ہے ’’ذکر میلاد حبیب‘‘ میں آپ کی تشریف آوری اور اس کے فیوض و برکات کا تذکرہ ہے جو اہل دل کو گرماتا ہے تیسری کتاب ’’وسیلۃ النبیؐ‘‘ میں آپ کے توسل اورآپ کی بارگاہ الٰہی میں مقبولیت کا تذکرہ علمی انداز میں کر کے آپ قارئین کے دل و دماغ کو دعوت فکر دیتے ہیں یہ تینوں کتابیں دربار عالیہ غوثیہ قادریہ کوٹلی ہلاٹ نارووال سے زیر نگرانی سید عاطف گیلانی شائع ہوئی ہیں حاصل کرنے کیلئے شائقین 0300-4788125/ 0300-4790595 پر رابطہ کریں۔ (تبصرہ … جی این بھٹ)