لاہور(کلچرل رپورٹر) شوٹنگ کیلئے ہیلی کاپٹر اڑانے کی اجازت نہ ملنے پرفلم چیمپیئن کے فلمسازکوپانچ لاکھ روپے کا جھٹکالگ گیا۔مذکورہ فلم کے مصنف ،ہدایتکاراورفلمسازادریس عادل نے بتایا کہ فلم کے وائنڈاپ سین کی شوٹنگ کلرکہارمیںکی جارہی ہے جس کے ایک منظرکیلئے پانچ لاکھ روپے کرایا اداکرکے ہیلی کاپٹرحاصل کیاگیاتھاتاہم عین وقت پرسیکورٹی خدشات کے باعث اس کی اجازت نہیں دی گئی جس کے باعث پانچ لاکھ روپے کانقصان ہوگیااورایک حقیقی منظرعکسبندنہ کیاجاسکا۔ہدایتکارکاکہناتھاکہ پاکستان میں جب تک حکومت تعاون نہ کرے معیاری فلمیں کیسے بنائی جاسکتی ہیں۔ چیمپیئن جدیدڈیجیٹل ٹیکنالوجی کے مطابق بننے والی ایک ہیوی بجٹ کی فلم ہے جس کی موسیقی طافواورصابرعلی نے ترتیب دی ہے ۔فنکاروںمیں آمنہ ملک ،علی سعید،راناملک،سبطین گوندل ،مہوش حیات ،علی اکبرگل،اسماء بھٹی اورثناء عظیم شامل ہیں۔