کراچی (کرائم رپورٹر) کراچی کے مختلف علاقوں میں تشدد سے 3 افراد ہلاک‘ 2 کو گولیاں مار کر زخمی کر دیا گیا‘ تشدد سے ہلاک کئے جانے والے 2 افراد کی لاشیں منگھوپیر کے علاقے مائی گاڑھی میں چلغوزی بابا کے مزار کے قریب سے ملیں جن کی شناخت 31 سالہ ذوالفقار ولد محمد یونس اور 32 سالہ ایاز حسین ولد محمد حسین کے نام سے ہوئی۔ پولیس کے مطابق مقتولین کو دو سے تین روز قبل قتل کرنے کے بعد ان کی لاشیں چلغوزی بابا کے مزار کے قریب پھینکی گئی ہیں۔ پولیس نے تحقیقات شروع کر دی ہے۔ ادھر اورنگی ٹاﺅن کے علاقے گلشن ضیاءمیں نامعلوم افراد نے 22 سالہ شہزاد ولد خلیل کو تشدد اور سر پر اینٹ مار کر ہلاک کر دیا پولیس کے مطابق مقتول شہزاد کی لاش کے قریب سے شراب کی خالی بوتل بھی ملی ہے جس سے اندازہ ہوتا ہے کہ وہ نشے کا عادی تھا اور اس کے قتل میں اس کے ساتھ شراب پینے والا ہی کوئی شخص ملوث ہے۔ دریں اثناءشاہ لطیف ٹاﺅن میں ڈکیتی کے دوران مزاحمت پر 18 سالہ دانش ولد ناصر کو فائرنگ کر کے زخمی کر دیا گیا جبکہ نارتھ کراچی کے سیکٹر فائیو سی ون میں مسلح افراد نے فائرنگ کر کے 24 سالہ راشد ولد رفیق کو زخمی کر دیا۔
کراچی تشدد/ ہلاکتیں