سویڈن 24برس بعد ورلڈ کپ کواٹر فائنل میں، سوئٹرزلینڈآئوٹماسکو(سپورٹس ڈیسک )سویڈن نے ورلڈ کپ کے پری کوارٹر فائنل میچ میں سوئٹزرلینڈ کو سنسنی خیز مقابلے کے بعد 0-1 سے شکست دے کر 24سال بعد عالمی کپ کے کوارٹر فائنل میں پہنچنے کا اعزاز حاصل کر لیا۔منگل کو کھیلے گئے پری کوارٹر فائنل میچ میں سویڈن اور سوئٹزرلینڈ کے درمیان زبردست مقابلہ دیکھنے کو ملا اور دونوں ہی ٹیموں نے حریف کے گول پر تابڑ توڑ حملے کیے۔پہلے ہاف میں سرتوڑ کوشش کے باوجود دونوں ٹیمیں گول کرنے میں ناکام رہیں البتہ دوسرے ہاف کے 66ویں منٹ میں سوئیڈش کھلاڑی فورسبرگ نے شاندار فیلڈ گول کر کے ٹیم کو برتری دلائی جو میچ کے اختتام تک برقرار رہی۔سوئس کھلاڑیوں نے برتری ختم کرنے کیلئے بھرپور کوشش کی لیکن سویڈن کے مضبوط دفاع اور گول کیپر نے غیرمعمولی کارکردگی کا مظاہرہ کر کے اسے کامیاب نہ ہونے دیا۔اس طرح سویڈن نے سوئٹزرلینڈ کو 1-0 گول سے ہرا کر ایونٹ سے باہر کر دیا اور کوارٹر فائنل میں پہنچنے کا اعزاز حاصل کر لیا۔سویڈن نے 24برس کے وقفے کے بعد عالمی کپ کی آخری 8 ٹیموں میں جگہ بنانے کا اعزاز حاصل کیا جہاں اس سے قبل سویڈش ٹیم نے آخری مرتبہ 1994 میں میگا ایونٹ کے کوارٹر فائنل میں جگہ بنائی تھی۔انگلینڈ نے کولمبیا کو پنالٹی شوٹ آئوٹ میں 4-3 سے شکست دے کر لاسٹ ایٹ میں جگہ بنا لی۔ مقررہ وقت اور اضافی ٹائم میں میچ ایک ایک گول سے برابر رہا جس پر دونوں کو پانچ پانچ پنالٹی دی گئیں کولمبیا نے دو پنالٹی جبکہ انگلینڈ نے ایک مس کیکوارٹر فائنل کی لائن اپ مکمل ہوگئی۔یورا کوئے، فرانس، برازیل، بیلجیئم، سویڈن اور انگلینڈ نے کوارٹر فائنل کیلئے کوالیفائی کرلیا۔ کوارٹر فائنل مرحلے کا آغاز 6جولائی سے ہوگا۔ 4 جولائی کو شام سات بجے یوراگوے اور فرانس کا مقابلہ ہوگا جبکہ رات گیارہ بجے برازیل، بیلجیئم کا سامنا کرے گا۔ 7جولائی کو سویڈن کا ٹاکرا انگلینڈ سے ہوگا جبکہ میزبان روس کروشیا سے مقابلہ کرے گا۔