دبستان اقبال کے زیر اہتمام ’’اقبال اسلامی فنون اور فن تعمیر ‘‘ کے موضوع پر لیکچر

لاہور (خصوصی نامہ نگار) دبستان اقبال کے زیر اہتمامـــ" ـاقبال ،اسلامی فنون اور فن تعمیر" کے موضوع پر خصوصی لیکچرکا انعقاد کیا گیا۔ باب پاکستان کے ڈیزائنر اور معروف آرکیٹکیٹ امجد مختار چوہان نے اسلامی فنون اور تعمیرات کے تصور ،اصول ،شناخت اور جمالیات کی فلسفیانہ تشریح پر لیکچردیا۔ انھوں نے آرٹ اور فن تعمیر کی تصاویر کے ذریعے حاضرین کو بتایا کہ علامہ اقبال نے اس فلسفے کو اپنے کلام میں کس طرح اور کہا ں کہاں اُجاگر کیا ہے امجد مختار نے علامہ اقبال کی شاعر ی کو ان تصویر ی وضاحتوں سے جوڑ کر حاضرین کوفلسفہ اقبال کی نئی جہتوں سے روشناس کرایا۔ نشست میںجسٹس ریٹائرڈ ناصرہ اقبال نے خصوصی شرکت کی۔