ٹریفک پولیس کی گاڑیوں کی ٹکر سے موٹرسائیکل سوار میاں بیوی زخمی

ساہیوال/ سرگودھا (نمائندہ خصوصی) نواحی گائوں ٹھٹھی اوبھی کے موٹر سائیکل سوار میاں بیوی کو چک 84 کے قریب ٹریفک پولیس کی گاڑی نے کچل دیا اور ڈرائیور گاڑی بھگا کر فرار ہوگیا ۔ ٹھٹھی اوبھی کے نوجوان مدثر اقبال اور اسکی بیوی گائوں سے سرگودھا جار ہے تھے کہ ٹریفک رولز کی خلاف ورزی کرتے ہوئے ٹریفک پولیس کی گاڑی نے غفلت ولاپرواہی سے ٹکر دے ماری جس سے مدثر اقبال اور اسکی بیوی شدید زخمی ہسپتال میں پڑے ہیں حادثہ کی اطلاع تھانہ صدر سرگودھا کو دے دی گئی ہے تاحال کوئی کاروائی سامنے نہ آئی ہے ۔