لاہور(خبر نگار)علامہ اقبال ائر پورٹ پر کسٹم حکام نے دبئی سے آنیوالے مسافر کے قبضے سے درجنوں موبائل فون برآمد کر لئے۔گزشتہ روز نجی ائر لائن کی پرواز کے ذریعے دبئی سے لاہور آنے والے مسافر توقیر احمد کے سامان کی تلاشی کے دوران لاکھوں روپے مالیت کے 80سے زائد قیمتی موبائل فونز برآمد ہونے پر ڈیوٹی پر موجود کسٹم اہلکاروں نے تمام موبائل فونز قبضے میں کر لیے۔ توقیر احمد نے موبائل فونز اپنے سامان کے اندر چھپاکر سمگل کرنے کی کوشش کی لیکن کسٹم امیگریشن نے اس کی کوشش ناکام بنا دی۔