ارجنٹائن فٹبال ٹیم کی فری کوچنگ کرنے کو تیار ہوں میرا ڈونا

لاہور (سپورٹس ڈیسک) ارجنٹائن کے لیجنڈ فٹبالر ڈیاگو میرا ڈونا نے ایک بار پھر قومی ٹیم کی کوچنگ میں دلچسپی ظاہر کر دی ۔ انہوں نے پہلے بھی کوچنگ کی تھی تاہم اس بار انہوں نے فری کوچنگ کرنے کا عزم ظاہر کیا ہے ۔ انہوں نے فٹبال ورلڈ کپ میں مایوس کن کارکردگی کے بعد کوچنگ کرنے کا ارادہ ظاہر کیا ہے۔ امکا ن ہے کہ موجود ہ کوچ جارج سیمپولی عہدہ چھوڑ دیں گے ۔ میرا ڈونا نے مزید کہا کہ ورلڈ کپ میں قومی ٹیم کی کارکردگی سے مطمئن نہیں ہوں ۔لوگ سمجھتے ہیں کہ میں بڑا خوش ہوں مگر اندر سے بہت زیادہ افسردہ ہوں ۔ ہم نے جو کچھ تعمیر کیا تھا کتنی آسانی سے مسمار کر دیا گیا ہے ‘اس بات کا دکھ ہوتاہے جو ہم کوششیں کی تھیںانہیں تباہ کر دیاگیا ہے ۔ میں خدمات کیلئے حاضرہوں اور اس کے بدلے کچھ نہیں لوں گا۔