گھوٹکی (صباح نیوز) گھوٹکی میں کچے کے علاقے رونتی میں سرچ آپریشن کے دوران ڈاکوئوں نے بکتر بند گاڑی پر راکٹ حملہ کیا جس کے نتیجے میں 1اہلکار شہید، 2 ایس ایچ اوز سمیت 5 اہلکار زخمی ہوگئے۔ تفصیلات کے مطابق کچے کے علاقے رونتی میں پولیس کے سرچ آپریشن کے دوران ڈاکوئوں نے پولیس کی بکتربند گاڑی پر راکٹ لانچر سے حملہ کیا جس میں ایس ایچ او خانپور مہر اور ایس ایچ او جروار زخمی ہوگئے۔پولیس کے مطابق فائرنگ کے تبادلے میں پولیس اہلکاروں کے علاوہ ایک مقامی شخص کے بھی زخمی ہونے کی اطلاع ہے۔