مکرمی! واسا حکام کی توجہ سمن آباد کی گلی 35 کے مکینوں کو درپیش پانی کی عدم دستیابی جیسے انتہائی اہم نوعیت کے مسئلہ کی طرف دلانا چاہتا ہوں۔ سمن آباد کے ایس ڈی او واسا کو متعدد بار درخواستیں دے چکے ہیں۔ تقریباً ایک سال سے ہم واسا حکام کی شفقت حاصل کرنے کیلئے کوشاں ہیں، لیکن تاحال کامیابی حاصل نہیں ہو سکی۔ اس کے علاوہ مقامی سیاسی شخصیات اور عوامی نمائندوں کو بھی ’’بپتا‘‘ سنا چکے ہیں، لیکن کسی کے کانوںپر جوں تک نہیں رینگی۔ بس اتنا کہہ کر ٹرخا دیا جاتا ہے کہ آپ کے مسئلہ کا حل ٹیوب ویل ہے، لیکن صرف 50، 60 گھروں کیلئے ہم ٹیوب ویل نہیں لگا سکتے تو پھر بتائیں ہم لوگ کہاں جائیں۔ انتہائی گرم موسم میں پانی کی بوند بوند کو ترس گئے ہیں۔ بچے بلبلا رہے ہیں۔ بوڑھے پریشان ہیں۔ خواتین کو مشکلات ہیں۔ وضو اور غسل کیلئے بھی پانی دستیاب نہیں ہوتا۔ لہٰذا اعلیٰ حکام سے فوری توجہ کی اپیل ہے۔ (اہالیان سمن آباد گلی 35)