لاہور(سپورٹس رپورٹر )آئی سی سی نے ٹی ٹونٹی ورلڈ کپ کیلئے گروپس کا اعلان کردیا ہے۔ پاکستان،آسٹریلیا، نیوزی لینڈ اور ویسٹ انڈیزکیساتھ گروپ اے میں شامل ہے۔ 17اکتوبر سے 14نومبرتک شیڈول ٹی ٹونٹی ورلڈ کپ میں سولہ ٹیمیں شرکت کریں گی۔ ٹی ٹونٹی رینکنگ کے مطابق آٹھ ٹیمیں میگاایونٹ میں براہ راست شرکت کریں گی جبکہ بقیہ آٹھ ٹیمیں ورلڈکپ کے کوالیفائنگ راؤنڈ میں حصہ لیں گی۔ سری لنکا، بنگلہ دیش، آئرلینڈ، عمان، پاپوانیوگنی، سکاٹ لینڈ،نیدرلینڈ اور نمیبیا کو دو گروپس میں تقسیم کیا جائیگا۔ ہرگروپ کی دوسرفہرست ٹیمیں چوبیس اکتوبرسے شروع ہونیوالے مین راؤنڈ میں شرکت کی اہل ہوں گی۔ ہرگروپ سے دو،دوٹیمیں سیمی فائنل کیلئے کوالیفائی کریں گی فائنل چودہ نومبرکو کھیلا جائے۔