پابندی معطل ‘انگلش فاسٹ بائولر اولی رابنس کو کھیلنے کی اجازت مل گئی 

لاہور(سپورٹس ڈیسک) انگلینڈ کے فاسٹ بائولر اولی رابنسن کو نسلی امتیاز اور دیگر ٹویٹس کرنے پر  سزا کو معطل کرکے کھیلنے کی اجازت دیدی گئی ۔ فوری طورپر ان ایکشن ہو سکیں گے ۔ ان پر 8میچز کی پابندی عائد کی گئی تھی جس میں سے تین کی بھگت چکے ہیں ۔ پانچ میچز کی پابندی کو بھی معطل کر دیا گیا ہے ۔ 27سالہ انگلش کرکٹر نے 2012ء اور 2013ء میں ٹویٹس کئے تھے ۔ کرکٹ ڈسپلن کمیشن نے کہا کہ پینل قوانین کا احترام کرتا ہے اور رابنسن کو 3200پائونڈ جرمانہ کیا گیا ہے ۔ رابنسن نے کہا کہ کمیشن کا فیصلہ مکمل طور پر تسلیم کرتا ہوں ۔ پہلے ہی ٹویٹس پر معافی مانگ چکا تھا اور شرمندگی کا اظہار کیا تھا ۔ میری وجہ سے کسی کو بھی تکلیف پہنچی تو اس پر معذرت خواہ ہوں ۔ میرے پروفیشنل کیر یئر میں یہ مشکل ترین وقت ہے ۔