لاہور (نامہ نگار) چیف آف دی نیول سٹاف ایڈمرل محمد امجد خان نیازی نے کہا ہے کہ کسی بھی محاذ پر کامیابی کے لیے عسکری طاقت کے ساتھ ساتھ ایمان کی مضبوطی اور کردار کی پختگی انتہائی ضروری ہے۔ ترجمان پاک بحریہ کے مطابق چیف آف دی نیول سٹاف ایڈمرل محمد امجد خان نیازی نے پاکستان نیوی وار کالج لاہور کا دورہ کیا، نیول چیف کی آمد پر کمانڈنٹ پاکستان نیوی وار کالج ریئر ایڈمرل محمد زبیر شفیق نے ان کا استقبال کیا۔ ترجمان پاک بحریہ کے مطابق  نیول چیف نے 50 ویں سٹاف کورس کے شرکاء سے خطاب کیا۔ امیر البحر نے خطے کی بدلتی ہوئی صورتحال کے تناظر میں میری ٹائم سکیورٹی سے متعلق مختلف چیلنجز پر اظہار خیال کیا۔ ترجمان پاک بحریہ کے مطابق نیول چیف نے پاک بحریہ کے جاری مختلف دفاعی منصوبوں پر روشنی ڈالی۔ ترجمان پاک بحریہ کے مطابق قبل ازیں کورس کے شرکاء نے ’’سائبر سپیس بطور پانچویں جنگی محاذ‘‘کے موضوع پر ایک مقالہ بھی پیش کیا۔