پاکستان میں دہشت گردی کے پیچھے بھارت ہے, عالمی برادری  بھارت کے اس رویے کے خلاف اداروں کو متحرک کرے۔عمران خان

 وزیراعظم عمران خان نے کہا ہے کہ پاکستان میں دہشت گردی کے پیچھے بھارت ہے۔ انہوں نے کہا کہ بھارت کی جانب سے پاکستان میں دہشت گردی کی منصوبہ بندی اورمالی معاونت کی جاتی ہے۔  ٹوئٹر پر جاری کردہ اپنے ایک بیان میں وزیراعظم عمران خان نے  کہا کہ  اداروں کے باہمی تعاون سے دہشتگردوں کی شناخت اور بیرون ملک ان کی جڑوں تک پہنچنا ممکن ہوا۔ انہوں ںے کہا کہ سول اور عسکری خفیہ اداروں کے تعاون سے سی ٹی ڈی واقعے کی تہہ تک پہنچی۔انہوں نے کہا کہ پنجاب پولیس کے سی ٹی ڈی ونگ کی کارکردگی قابل تعریف ہے۔ انہوں نے کہا کہ سول اور ملٹری اداروں کی کارکردگی کو بھی سراہتا ہوں۔وزیراعظم عمران خان نے کہا کہ اداروں کے باہمی تعاون سے دہشتگردوں کی شناخت اور بیرون ملک ان کی جڑوں تک پہنچنا ممکن ہوا۔انہوں ںے واضح طور پر کہا کہ جوہر ٹاون دھماکے کے تانے بانے بھارت کے پاکستان مخالف دہشت گرد نیٹ ورک سے ملے ہیں۔ وزیراعظم عمران خان نے عالمی برادری سے کہا کہ وہ  بھارت کے اس رویے کے خلاف اداروں کو متحرک کرے۔