راولپنڈی(اپنے سٹاف رپورٹر سے)پولیس نے ناجائزاسلحہ رکھنے والے تین ملزمان گرفتارکرلئے نیوٹاؤن پولیس نے کاروائی کرتے ہوئے ملزم دانیال کو گرفتا رکرکے ملزم سے پستول30بور معہ ایمونیشن برآمد کیا،صدرواہ کینٹ پولیس نے کاروائی کرتے ہوئے ملزم واجدکو گرفتار کرلیا، ملزم سے پستول30بور معہ ایمونیشن برآمد ہوا،جبکہ دھمیال پولیس نے کاروائی کرتے ہوئے ملزم ارسلان کو گرفتار کرکے ملزم سے پستول30بورمعہ ایمونیشن برآمد کیا۔
تھانہ صادق آباداور صدر بیرونی کے علاقوں میں پولیس کا سرچ آپریشن
راولپنڈی (اپنے سٹاف رپورٹر سے)تھانہ صادق آباداور اور تھانہ صدر بیرونی کے علاقوں میں پولیس نے سرچ آپریشنزکئے سرچ آپریشنز میں گھروں، کرایہ داروں کے کرایہ داری کوائف اور افرادکی چیکنگ کی گئی صادق آباد پولیس نے بلال کالونی اور گردونواح میں جبکہ صدر بیرونی پولیس نے جراحی سٹاپ اور گردونواح میں سرچ آپریشنز کیے، سرچ آپریشنز میں مقامی پولیس سمیت، لیڈیز پولیس ،ایلیٹ پولیس اور دیگر قانون نافذ کرنے والے اداروں نے شرکت کی، سرچ آپریشن کے دوران  مجموعی طور پر 131گھروں ،15دکانوں ،21کرایہ دارو ں کے کرایہ دار کوائف اور انفرادی طور پر 294افراد کو چیک کیا گیا۔
منشیات فروشوں اور شراب سپلائرز کیخلاف کاروائیاں، پانچ ملزمان گرفتار
راولپنڈی(اپنے سٹاف رپورٹر سے)راولپنڈی پولیس نے منشیات فروشوں اور شراب سپلائرز کے خلاف کاروائیاں کرکے پانچ ملزمان گرفتارکرلئے رتہ امرال پولیس نے ملزم جاویدسے 200گرام چرس، صدرواہ کینٹ پولیس نے ملزم سجادسے 330گرام چرس،پیرودہائی پولیس نے ملزم فیصل سے10لیٹر شراب،ملزم طیب سے10لیٹر شراب جبکہ صادق آباد پولیس نے ملزم حمزہ سے 05لیٹر شراب برآمد کرکے مقدمات درج کرلئے ۔
ناجائزاسلحہ رکھنے والے6ملزم گرفتار
راولپنڈی(اپنے سٹاف رپورٹر سے)ناجائزاسلحہ رکھنے والے6ملزموں کو گرفتار کرکے ا سلحہ اور ایمونیشن برآمدکرلیا گیا،تھانہ  نیوٹائون پولیس نے ملزم وقارسے 1پستول30بور اور ایمونیشن تھانہ روات پولیس نے ملزم محسن علی سے 1پستول30بور جبکہ تھانہ چونترہ پولیس نے 2ملزموںمحمد شہزاداور شعیب اخترسے 2رائفلز 12بور اور ایمونیشن برآمد کرلیا۔