نامعلوم افرد کی گھر گھس کر فائرنگ، نوجوان جاں بحق

رحیم یارخان(کرائم رپورٹر)نامعلوم  افرد کی گھر گھس کر فائرنگ، نوجوان جاں بحق تفصیل کے مطابق گزشتہ روز فتح پورماچھکا کارہائشی35سالہ محمدآصف اپنے گھرپر موجودتھا کہ اسی دوران چار کس نامعلوم ملزمان جو کہ آتشی اسلحہ سے مسلح تھے گھرمیں داخل ہوئے اورجان سے ماردینے کیلئے آصف پر اندھا دھندفائرنگ کردی،جس کے نتیجہ میں آصف زخموں کی تاب نہ لاتے ہوئے موقع پر ہی دم توڑگیا جبکہ ملزمان موقع سے فرارہوگئے، اطلاع ملنے پر پولیس نے موقع پر پہنچ کرمقتول آصف کی نعش تحویل میں لے کر پوسٹ مارٹم کیلئے ہسپتال منتقل کردی۔ اس سلسلہ میں رابطہ کرنے پر ذرائع نے بتایا کہ قتل کا معاملہ سابقہ رنجش ساخشانہ ہوسکتاہے۔