حافظ آباد(نمائندہ خصوصی+نامہ نگار+نمائندہ نوائے وقت) ڈسٹرکٹ ہاکی ایسوسی ایشن کے زیر اہتمام منعقدہ ڈسٹرکٹ ہاکی چیمپین شپ وکٹری ہاکی کلب سینئر کڑیالہ نے وکٹری جونیئر کلب کو ہرا کر جیت لی۔اس موقع پر مہمان خصوصی لیگی ایم پی اے ڈاکٹر مظفر علی شیخ تھے جبکہ دیگر مہمانان گرامی میں میاں ضیغم الرحمن ڈی ایس پی موٹر وے، وائس پرنسپل نصیر احمد بٹ، ظہیر احمد مرزا،امجد شیخ تھے۔ تقریب اختتام پرایم پی ۔اے ڈاکٹر مظفر علی شیخ ممبر پنجاب ہاکی فیڈریشن میاں نجیب الرحمن اور صدر ڈی ایچ اے الحاج زاہد فاروق نے کھلاڑیوں میں انعامات تقسیم کئے ۔