نواب شاہ(نامہ نگار) پولیس کی جانب سے پولیو ٹیموں کیلئے سخت سیکورٹی انتظامات،تمام پولیو ٹیموں کے ہمراہ پولیس افسران اور جوان اپنے فرائض انجام دے رہے ہیں جبکہ ضلع بھر میں پولیس پیٹرولنگ ،رائیڈرزاور اضافی پولیس موبائل ٹیمیں بھی گشت پر موجود ہیں اور پولیو ٹیموں کو سیکورٹی فراہم کررہی ہیں ،ایس ایس پی امیر سعود مگسی نے پولیو ڈیوٹی پر تعینات پولیس افسران اور جوانوں کو ہدایت جاری کرتے ہوئے  کہا ہے کہ پولیس اہلکار پولیو ٹیموں کے ساتھ موجودگی کو یقینی بنائیں،دوران ڈیوٹی اسلحہ کے ساتھ حفاظتی اقدامات کو بھی یقینی بنائیں ،تمام پولیس افسرا ن و اہلکار بنیادی مراکز صحت میں اپنی آمد کو یقینی بنائیں ،اور ڈیوٹی سے واپسی پر پولیو ٹیموں کو بنیادی مراکز صحت تک با حفاظت پہنچائیں،پولیو ٹیموں کی سیکورٹی کیلئے تمام احتیاطی تدابیر اختیار کی جائیں تاکہ کوئی بھی ناخوشگوار واقعہ رونما نہ ہوسکے،پولیو پہم کو کامیاب بنانے کیلئے ضلع کے تمام داخلی اور خارجی راستوں پر ناکہ بندی کی گئی ہے تاکہ مشکوک افراد کی نقل و حمل پر کڑی نظر رکھی جاسکے،پولیو ٹیموں کی  کارکردگی قابل ستائش ہے اوربچوں کے والدین سے اپیل کی جاتی ہے کہ پولیو ٹیموں سے بھر پور تعاون کریںاپنے بچوں کو عمر بھر کی معذوری سے بچانے میں اپنا کردار ادا کریں